阿婆蘿蔔糕

材料：蘿蔔4斤半連皮(大概3條)，臘肉半條，臘腸3條，潤腸兩條，蝦米隨意(先用水滲)，乾葱頭4-5粒切粹，粘米粉半斤=3OO克

調味：胡椒粉隨意，生粉兩湯匙，水一碗，羅白揸出的水(大概有半碗)，雞湯一碗，鹽一茶匙，片糖半槫，油。(咸味要自己試)

做法：先將B料用熱水洗乾淨，切粒，爆香所有肉料備用；

爆香乾葱頭備用；

將所有粉用一碗湯加一碗水開希備用，如粉不夠水可加多半碗；

蘿蔔1/3刨絲，其它切粗条；

蘿蔔粗条先炒軟，再落蘿蔔絲炒至蘿蔔轉色，加入片糖，臘味，胡椒粉，試味加鹽，熄火落粉䊢炒至均混；

預備糕盆，將半熟粉䊢放入糕盆（糕盆要掃油），凳出空氣，同埋可以令粉䊢均勻，粉䊢面要掃平，放入煱蒸70分鐘其間20分鐘加一次水（中大火），糕面不用加蓋，如蒸好後見糕面有水將水倒走便可。

 

醉鮑魚&溏心旦

 

醉鮑魚&醉旦

材料：鮑魚16隻、旦6隻、花雕酒、糟滷、杞子、薑片

做法：鮑魚用牙刷刷去黑色污糟物，蒸5分鐘；

蒸好後即是放入冰水內降溫，剪去鮑魚咀及再清洗一次備用；

雞旦要用室溫旦，凍水落旦，用大火煮8.5分鐘後，即時放入冰水內，完全凍之後慢慢去殼備用；

將鮑魚、雞旦分開入盒或者密實袋，加入花雕及糟滷，分量是1.5:1。

杞子用熱水浸洗，加入鮑魚及雞旦內，密封好放入雪櫃雪一晚即可。

**鮑魚用細隻的會較淋及爽口。
**雞旦烚熟之後，一定要即時浸凍水/冰水，噤先容易去殼及完整。
**酒嘅分量按自己喜歡加減。

魚肉碗仔翅

材料: 雞肶1隻、冬菇、木耳、雞旦、粉絲、雞湯、薑片、木薯粉2湯匙

調味：老抽、生抽、鹽、糖、胡椒粉

做法: 冬菇浸軟去蒂切絲，木耳浸軟切絲，冬菇水留用；

粉絲浸軟剪成小段；

雞肶用粗鹽搽勻醃1小時，燒滾一煲熱水下薑片，落雞肶煮10分鐘(水要蓋過雞肶)，不用開蓋焗10分鐘；

雞肶放涼去皮滅絲備用；

浸雞肶水去掉薑片及雞油，加入適量雞湯煮滾，下雞絲、冬菇絲、木耳絲、粉絲煮滾，加入生抽、鹽、糖調味，加老抽上色；

木薯粉大約2湯匙，加入半碗開水搞勻，逐少加入湯內調杰；

最後熄火加入旦液，慢慢搞勻即成。

魚肉可用鯪魚肉或鯇魚用，買已調好味的，再加入胡椒粉、鹽、麻油、生粉及蔥粒搞勻；

另外燒一煲水，逐少加入魚肉煮熟才加入碗仔翅內。

** 老抽只是調色，不要落太多，如果唔係會太黑。

** 木薯粉要先用食水搞勻，要逐少加入，如果太杰可以再加點雞湯。

** 旦液一定要熄火先落，唔可以搞得太大力及太快。

辣椒炒雪菜

材料: 雪菜4棵、辣椒2隻、蒜頭4瓣

調味：糖2茶匙

做法: 雪菜要浸洗最少半個鐘，揸出水份，切粒；

辣椒切幼粒；蒜頭啄碎

中火燒熱易潔鑊，不用下油，落雪菜烘落;

將雪菜推至鑊邊，中間加油，炒香蒜蓉，連同雪菜一齊炒，最後落辣椒粒炒勻即成。

** 雪菜好咸，浸嘅時間一定要夠，同埋要換水。

** 如果加埋花椒油一定更加香。😋

** 食米粉、撈飯都好正！

鳳城水餃

材料: 免治豬肉1盒、急凍虎蝦1包、木耳、雲吞皮$10

免治豬肉醃料：糖、生抽、蠔油、胡椒粉、鹽、旦、生粉、水

做法: 虎蝦解凍，用廚房紙索乾、切半；木耳浸軟切短絲；

免治豬肉按以上排序落醃料，順一個方向攪勻，每落1-2樣就攪勻一次，噤就比較勻循；

再落蝦粒、木耳絲一齊攪勻，放入雪櫃雪一陣，就可以包啦！

** 木耳太長，包同埋食時比教麻煩。

** 如果無噤多時間，醃好後可以直接包。