魚肉碗仔翅

材料: 雞肶1隻、冬菇、木耳、雞旦、粉絲、雞湯、薑片、木薯粉2湯匙

調味：老抽、生抽、鹽、糖、胡椒粉

做法: 冬菇浸軟去蒂切絲，木耳浸軟切絲，冬菇水留用；

粉絲浸軟剪成小段；

雞肶用粗鹽搽勻醃1小時，燒滾一煲熱水下薑片，落雞肶煮10分鐘(水要蓋過雞肶)，不用開蓋焗10分鐘；

雞肶放涼去皮滅絲備用；

浸雞肶水去掉薑片及雞油，加入適量雞湯煮滾，下雞絲、冬菇絲、木耳絲、粉絲煮滾，加入生抽、鹽、糖調味，加老抽上色；

木薯粉大約2湯匙，加入半碗開水搞勻，逐少加入湯內調杰；

最後熄火加入旦液，慢慢搞勻即成。

魚肉可用鯪魚肉或鯇魚用，買已調好味的，再加入胡椒粉、鹽、麻油、生粉及蔥粒搞勻；

另外燒一煲水，逐少加入魚肉煮熟才加入碗仔翅內。

** 老抽只是調色，不要落太多，如果唔係會太黑。

** 木薯粉要先用食水搞勻，要逐少加入，如果太杰可以再加點雞湯。

** 旦液一定要熄火先落，唔可以搞得太大力及太快。